Почна бербата на зелка во Струмичко

Земјоделските производители од селото Муртино и Куклиш, Струмичко, ги набраа првите количества од пролетната зелка, кои стигнаа во фолиите и во пластениците. Поради топлата зима, пролетната зелка  стигна порано за десетина дена во споредба со минатата година.

Пораната берба на пролетната зелка ги израдува земјоделските производители и побрзаа да ги предадат во откупните пунктови. Таму зелката се откупува за 35 денари од парче и најверојатно, првите количества се пласираат на странските пазари, за да се постигне поголема цена.

Лани почетните количества на зелка од овој крај се откупуваа за 40 денари од парче, а годинава, иако зелката стигна порано, почетната цена е за 5 денари помала од парче. Земјоделците стравуваат дека доколку трендот на паѓање на цената продолжи уште од стартот нивната мака нема да исплати.

Нова Македонија